الخضراء و البيضاء تعز عليّه
راهي فـ دمي ووفائي ليها ليوم المنيّة
ناس تلعب ...تخسر...و ترجع بقوة يحاديها الامل سويّه
مش راقده ...و جاية للملاعب مرتاحه البال هنيّه
مباريات تنباع و جماهيره تفرح...................والله غبيّه
ما تعرف ان المتعه فـ تسديد الأهداف هي المعنيّه
نادر كاره ضيّع ريقولي درتوها قضيّه
خير من ناس تجيها الاهداف عـ كأس من ذهب هديّه
احنا حرّاسنا ابـــــــــــــــــــــــــــــداع.....سيرتهم عطره زكيّه
و هم ...مرماهم بحكّام الملعب محميّه
يا ناس وين العداله ... خلونا نلعبوا عـ السجيّه
كل يوم انقول اهو الضمير ينوض و عشره سنين ع هالحال ليّه
دوري مش قادرين نجيبوه؟!!!......يا حكم غر صفي معانا النيّه
تقول الحكم عـ الاتحاد عيونه معميّه
فريق الاهلي نادي سيرته بالابداعات غنيّه
يا اهلي رانا معاك و امالنا عليك قويّه
راك نادي عريق و جذورك فـ الارض تابته و اصليّه
خلي دوووووووووم الخضراء ترفرف فـ مراتب عُليّا (عُليّا يعني مراتب عااااااااااااااااااااالية هلبا)
العب ... متعنا... ولا تاخدك بيهم حنيّه
خلي التيحه تتفرج.......لابد يوم تكون منسيّه
انت مللك الملاعب .....و اللقب تُوّجت بيه مليّه (مليّه يعني هلللللللللللللبا مرات)
مسيرك يوم ترجع انجازاتك بالنجمه الذهبية
و راني لـ هاللحظة الآنيّه
نقولك راك مكانك فـ القلب و تعز عليّه
إرسم ولدي
إرسم ولدي إتحادالعام..........وكيف يوزع في الحكام
وكيف قصة ظلم الأهلاوي.......تتكرر من عام لعام
وإرسم ولدي
إرسم ولدي نادي الأهلاوي......ديمة كبير وديمة ضاوي
لمَا ما قدروش عليه.......مشوا إستعانوا بالزلاوي
وإرسم ولدي
إرسم إسماعيلوفيتش.......يصرف طامع في البطولة
حتى.. كاكا.. كان يجيبه........الدوري مستحيل إيطوله
وإرسملي روجيه وقوله.....و ليش الزلاوي إلغاهوله
وإرسم ولدي
إرسم نادي يبي الصدارة.......بالطعون وبالصفارة
يا يضحي بنادي جديد.........زي ما ضحى بالشرارة
ورئيس إتحادالكورة.........أبوجودت في باب الحارة
والأهلاوي يربح بأولاده......بالزقزاق ونادر كارة
وإرسم ولدي
إرسم نادي تاريخه زيف.......والعميد خداها كيف
والصقور تأسس قبله ........بأكثر من عشرين خريف
وإرسم ولدي
إرسم ملعب قسموه علاش........و مدرج عبوه قماش
جمهوره حارةوفردين...........ربع الملعب ما عباش
وإرسم تصوير المرئية.........والكاميرا تتغير لاش؟؟؟
جمهورك يا أهلي كبير.........صقع علي لي ما عنداش
وإرسم ولدي
إرسم ولدي تتويج الكأس.......وكيف ركبنا للمنصة
المبارة مبارتنا............وكيف إعطوهم فيها حصة
وين شافواالجمهور إنقهروا...يموتوا ومش حيديروا نصه
جمهور الأهلي قاهرهم.........قاعد ليهم زي الغصة
وإرسم ولدي
إرسم نادي ديمة يعاني..........من الزلاوي والشلماني
زعمة النادي هدا ليبي.........ولا هالنادي براني
ولوائح جمال تقول ...........ألعب عالترتيب الثاني
وإرسم ولدي
إرسملي فريق التيحا........وما تنسى إرسملي اللمبي
وإرسم في جنبه فريق .......كونغولي إسمه مازمبي
و قولوله روح وتكولس.......عالصقور و عالأولمبي
تحياتي
موضوع: شعر للاهلي طرابلس 
الأحد أبريل 18, 2010 6:18 pm
شكرا سالم
