*..منتديات ورد ليبيا..*
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
غفران الوردة

*..منتديات ورد ليبيا..*

 
الرئيسيةالبوابةس .و .جبحـثالمجموعاتالتسجيلدخول

شاطر | 
 

 شعر وخواطر ليبية

اذهب الى الأسفل 
كاتب الموضوعرسالة
غفران الوردة
المديرة العامة
المديرة العامة
avatar

الاوسمة
انثى
الخنزير
عدد المساهمات : 3599
العمر : 23
اعلام الدول :
تاريخ التسجيل : 05/12/2008

بطاقة الشخصية
رمي النرد: تـفـــضلوووو

مُساهمةموضوع: شعر وخواطر ليبية   الإثنين يونيو 07, 2010 11:49 pm

[b][b]هناك ناس تكرههم من اوّل ليله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *
هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
* * *
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله
* * *
هناك ناس تكرههم من اوّل ليله
وهناك ناس ما يهُونوا سْنين طويله

اتمنى ان تنال اعجابكم

[/b][/b]




°~..نــــــهــلــــــة..~°

°~..عـــــبــــودي..~°


عدل سابقا من قبل ۩ غفران الوردة ۩ في الثلاثاء يونيو 08, 2010 11:07 pm عدل 1 مرات
الرجوع الى أعلى الصفحة اذهب الى الأسفل
http://albnotat.alafdal.net
عبودي
عضو ماسي
عضو ماسي
avatar

الاوسمة
ذكر
الديك
عدد المساهمات : 2444
العمر : 24
الموقع : طرابلس
اعلام الدول :
تاريخ التسجيل : 09/10/2009

بطاقة الشخصية
رمي النرد: wared_lipya@yahoo.com

مُساهمةموضوع: رد: شعر وخواطر ليبية   الثلاثاء يونيو 08, 2010 3:39 pm

الخط صغير ولكن شكرا



غفران الوردة

الرجوع الى أعلى الصفحة اذهب الى الأسفل
غفران الوردة
المديرة العامة
المديرة العامة
avatar

الاوسمة
انثى
الخنزير
عدد المساهمات : 3599
العمر : 23
اعلام الدول :
تاريخ التسجيل : 05/12/2008

بطاقة الشخصية
رمي النرد: تـفـــضلوووو

مُساهمةموضوع: رد: شعر وخواطر ليبية   الثلاثاء يونيو 08, 2010 11:07 pm

عفواا


وقد تم التعديل




°~..نــــــهــلــــــة..~°

°~..عـــــبــــودي..~°
الرجوع الى أعلى الصفحة اذهب الى الأسفل
http://albnotat.alafdal.net
 
شعر وخواطر ليبية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
*..منتديات ورد ليبيا..* :: منتديات الادبية :: منتدي الشعر والخواطر-
انتقل الى: