حلى تحية للشعب الليبي سواء كان عيد خميس او جمعة وحتى بدون عيد
شوفو تعبير الليبيين على المهزلة اللي صايرة في العيد والله الشعب الليبي كبييييير
كبش العيد كتب وصية ... قال الجمعة ضحوا بيا .
كبش العيد ظروفه شينة ... ينظر في الأمواس بعينه .
طمّن كبشك وامسح دمعه ... راهو عيدك يوم الجمعة .
كبش العيد خذا الأكيدة ... قالوا يوم الجمعة عيده .
كبش العيد سايل دمعه ... حاير بين خميس وجمعة .
كبش العيد امنتش صوفه ... قال الوقفة مش معروفة .
كبش العيد ركبله السكر ... بين خميس و جمعة يفكر .
كبش العيد لقيته دايخ يبي ... فتوى يا مشايخ.
ما اتخللي كبشك في حيرة ... يوم الجمعة عيدك ديره .
كبش العيد كفكف دمعه ... وقال الذبحة يوم الجمعة .
كبش العيد جاته لَيّة ... ايراجي في النشرة الليبية .
وينك وينك يا نموسة ... جاك العيد وأحلى حوسه .
عصبان وكبدة وشوايا .. ونص قلايا .. أبصحة تاكلهن يا منايا .
كبش العيد امغير ايخمم ... على تعييد الجمعة امصمم .
قالوا العيد الجمعة، وبعدها قالوا الخميس، قلت أهني قبل ما يقولوا ما فيش.
كبشي قدم احتجاج ... ايريد العيد مع الحجاج.
راه كبشك ما اتخاف عليه ... يوم الجمعة تو تشويه.
كبش العيد تمنّى موتة ... ولا وقفة عرفات اتفوته .
يا كبشي ما اتسيل دمعة ... بإذن الله العيد الجمعة .
كبش العيد شكا مستغرب ... قال اتفقوا وإلا نهرب .
بشرى سارة لليبيين .. تم تنزيل كبش صيني،دبل كبدة ودبل راس وينذبح على يومين،خميس وجمعة .
أنا كبشي كارس في حقفة ... خايف ما يحضرش الوقفة .
كبش العيد قفل نقاله ... قال الشعب الليبي حالة
اعطونا ريكم ياشباب
موضوع: كبش العيد ركبله السكر,,,,,,,,,يتبع خش وشوف قصيدة مش عادية 
الأربعاء فبراير 24, 2010 7:26 am
